29.04.2026

• Тыл – киһи бүтүн бэйэтэ;
• Тыл – киһи дьоҥҥо дьайар күүһэ;
• Таба этиллибит тыл өһү өһүлэр, өлүүттэн өрүһүйэр;
• Тыыннаах тыл – хааны хамсатар, сүрэҕи имэҥирдэр;
• Тыл – киһи өйүн-мэйиитин, билиитин-көрүүтүн таһыма;
• Тыл – улуу ситиһииҥ сэбиргэлэ, аар арыйыыҥ саадаҕа.

Ыам ыйын 4 күнүттэн СӨ Национальнай бибилэтиэкэтин Историческай дьиэтигэр Кыраайы үөрэтэр национальнай пуонда салаатын “Аман өс” бырайыагын чэрчитинэн сахалыы тыл этии, уус-уран ааҕыы ньымаларыгар уһуйуохтара. Дьарыгы саха норуодунай суруйааччыта Елена Слепцова – Куорсуннаах тус ньыматынан иилээн-саҕалаан ыытыаҕа. 

Дьарыкка 18-40 диэри саастаах дьон кытталлар, кыттааччы ахсаана хааччахтаах. 

Бириэмэтэ: 18:00 (дьарык 4 күнтэн 5-6 күҥҥэ диэри уһуон сөп).

Билсэр төлөпүөннэргит: 8(4112)45-58-55, 89627392794, 89142988674 (эрийэн суруйтарыҥ).